Баъзе одамон барои шуҳрат ёфтани ному корномаҳояшон даст ба амалҳое мезананд, ки аксарият ҳатто тасаввурашро намекунанд.
Яке аз чунин шахсиятҳо Томас Блэкторни англис аст, ки соли 2008 бо бардоштани 12,5 килограмм бор бо забонаш ба Китоби рекордҳои Гиннес шомил шуд. Ин рекорди ғайриоддӣ бо роҳи насб кардани як қалмоқи махсус ба сӯрохии миёни забони Томас анҷом дода мешавад. Сипас, бори вазнин ба охири қалмоқ овехта шуда, Томас бо ҳама неру забонашро боло мебардорад.
Ҷараёни тамрини ӯ пуршиддат ва хатарнок буда, ҳамеша ҳайрат ва нигаронии тамошобинонро ба бор меорад.
