Ҳамал (21 март-19 апрел)
Имрӯз метавонед бо шахсе вохӯред, ки қаблан дӯсташ медоштед. Оё муносибати нави ошиқона сар мешавад ё не, танҳо аз шумо вобастагӣ дорад. Ба наздикӣ хариди калон доред: мебел, техника ё мошин. Дар ҷои кор нисбат ба танқид ором бошед, асабӣ нашавед. Роҳҳои нави даромад биҷӯед, вале аз бозор дурӣ ҷӯед. Барои мулоҳиза ва оромӣ рӯз хуб аст.
Савр (20 апрел-20 май)
Дар ин рӯз дар муносибатҳои ошиқона бахту барор ҳамсафаратон мегардад. Агар фаъол бошед, маблағи бештар ба даст меоред. Аз танқид кардани наздикон худдорӣ кунед, суханатон метавонад сахт расад. Дар касбу кор аз рашк ва норозигии ҳамкорон эҳтиёт шавед. Имрӯз барои харидории хона ё шартномаи молиявӣ рӯз хуб аст. Агар обу ҳаво ба шумо таъсир расонад, худро зиёд хаста накунед ва ором бошед.
Ҷавзо (21 май-20 июн)
Дар муносибатҳои ошиқона душворӣ пеш меояд, вале бо сабр ва ҳамдигарфаҳмӣ сулҳро нигоҳ медоред. Аз корҳои таъмирӣ дурӣ ҷӯед, то осеби хурд набинед. Дар ҷамъият хуб баромад мекунед, гуфтушунид ва роҳбарӣ ба шумо осон даст медиҳад. Дар баҳсҳо ором бошед, қарз нагиред. Агар ҷарроҳӣ ё муолиҷаи деринтизор доред, имрӯз натиҷааш хуб мешавад.
Саратон (21 июн-22 июл)
Имрӯз тағйироти деринтизор дар зиндагии шахсӣ ба амал меояд. Агар танҳо бошед, эҳтимол ҷуфти худро пайдо кунед. Барои сафар ва вақтгузаронӣ бо дӯстҳо рӯз хуб аст. Ҳадафмандӣ ба шумо ёрӣ медиҳад, ки корҳои муҳимро сари вақт анҷом диҳед. Дар масъалаҳои пулӣ сарфакор бошед, пулро беҳуда харҷ накунед. Аз корҳои душвор худдорӣ кунед, то сардард пайдо нашавад.
Асад (23 июл-22 август)
Муносибати ошиқонаи нав дер давом намекунад, онро ҷиддӣ нагиред. Имрӯз эҳтимоли сар задани воқеаи ногувор вуҷуд дорад, ки сабри бештар талаб мекунад. Беҳтараш корҳои кӯҳнаро ҷамъбаст кунед, лоиҳаҳои навро дертар оғоз намоед. Аз хароҷоти ноҷо ва талафоти ногаҳонӣ эҳтиёт шавед. Имрӯз эҳтимоли ҷароҳат зиёд аст, эҳтиёткор бошед.
Сунбула (23 август-22 сентябр)
Фикрҳои зиёди ошиқонаро партоед, зиндагӣ воқеъбинона аст. Имрӯз бо фарзандон мушкил пайдо мешавад, бояд мавқеи худро муҳофизат кунед. Кор ва мансаб муҳим аст, вале дигар арзишҳо низ аҳамият доранд. Аз хароҷоти зиёдатӣ худдорӣ кунед, сарфакор бошед. Саломатиятон хуб мешавад, барои варзиш ва корҳои ҷисмонӣ рӯзи хуб аст.
Мизон (23 сентябр-22 октябр)
Бо созишкорӣ ва гуфтугӯ ихтилофҳоро ҳал кунед. Имрӯз барои меҳмонӣ рафтан тайёр шавед ва бо дастурхони зебо дӯстону наздиконро шод гардонед. Нисфирӯзӣ имкониятҳои хуб доред: мулоқотҳои шахсӣ ва расмӣ фоида меоранд. Дар масъалаҳои молӣ муваффақ мешавед, эҳтимоли мукофот ва туҳфаҳо зиёд аст. Агар ғамгин шавед, сайри кӯтоҳ шуморо болида месозад.
Ақраб (23 октябр-21 ноябр)
Шояд муносибатҳои ошиқона он тавре, ки мехоҳед, намешаванд. Эҳтимол шумо аз ҳамсаратон талаботи зиёд доред. Агар дар хона каме тағйирот кунед, рӯҳияатон хубтар мешавад. Имрӯз барои кор ва гуфтугӯ бо одамони муҳим рӯзи мувофиқ аст. Дар корҳои хайр ва лотереяҳо иштирок кунед, имкони фоида зиёд аст.
Қавс (22 ноябр-21 декабр)
Агар танҳо бошед, шиносоии ошиқонаро интизор бошед. Агар оиладор бошед, шоми зебои ошиқона интизоратон аст. Дар охири рӯз сюрпризи хуш доред, шояд занг ё мактуби наздикон табъатонро хуш созад. Имрӯз серкор мешавед, вале рӯзи муваффақ аст. Агар пул дошта бошед, имрӯз дар саҳмияҳои боэътимод сармоягузорӣ кунед. Барои саломатӣ аз ғизои равғанин дурӣ ҷӯед ва дар ҳавои тоза истироҳат кунед.
Ҷаддӣ (22 декабр-19 январ)
Имрӯз муносибатҳои шахсӣ ва ошиқона санҷида мешаванд. Ба ҳеҷ ваҷҳ шитобкорӣ накунед. Агар хона хариданӣ бошед, ин масъаларо каме ба таъхир гузоред. Ақлу ҳушатон фаъол аст, идеяҳои нав ба саратон меоянд. Аммо эҳтиёт шавед, ки фиреб нахӯред, пулатонро назорат кунед. Баъзе шубҳаҳо дар шумо пайдо мешаванд, ки барои шинохтани атрофиёнатон муфиданд.
Далв (20 январ-18 феврал)
Зиндагии шумо мисли китобест, ки охираш ҳанӯз навишта нашудааст. Шумо худ ояндаатонро месозед. Агар дар оилаатон нофаҳмӣ бошад, бо самимият онро ҳал мекунед. Дар ҷои кор бо ҳамкорон ихтилоф эҳтимол дорад, махсусан вобаста ба мукофотпулиҳо. Дар бораи амнияти молӣ зиёд фикр мекунед. Имрӯз беҳтар аст аз лаззатҳои зиёдатӣ канорагирӣ кунед ва рӯзро оддӣ гузаронед.
Ҳут (19 феврал-20 март)
Шоми ошиқона барои шумо ва ҳамсаратон хуб аст, муносибатро қавӣ мекунад. Аз наздикон сюрпризро интизор бошед, вале эҳтимол туҳфа писандатон нашавад. Агар коратон дигар шавқовар набошад, вақт аст, ки самти нав интихоб кунед. Имрӯз сармоягузорӣ фоида меорад, вале қарз нагиред. Аз дору ва машрубот эҳтиёткор бошед, то зарар набинед. Барои дилхушӣ бештар ба корҳои дӯстдошта машғул шавед.
