Дар як ҷо хонда будам, ки 40 рӯз ба пайғамбар (С) салавот фиристӣ, ӯро дар хоб мебинӣ. Ин корро кардам ва шаби 39-ум ҳазрати Муҳаммад (с)-ро дар хоб дидам. Паёмбар дар хобам ба ман гуфт, ки ҳаҷҷат қабул шуд. Мехостам таъбири хобамро донам.

Ашк, ш. Қурғонтеппа.

Посухи домулло Ҷамолиддин Хомӯшӣ
Дар китоби “Фазоил-аъмол” чунин ваъда шудааст, ки агар бандаи мӯъмин ҳарчи бештар намоз ва салавот бихонад, эҳтимол аст, ки Пайғамбар (с)- ро дар хобаш бубинад. Таъбири ин хоби шумо нек аст, чунки шайтон ҳеҷ гоҳ худашро ба сурати Пайғамбар дароварда наметавонад. Шароити ҳаҷ кардан дошта бошед, ҳаҷи фарзиро анҷом диҳед.