Оё дуо кардан бо забони англисӣ дар дини Ислом ҷоиз аст?
Усмон, ш. Душанбе.

Посухи домулло Ҷамолддин Хомӯшӣ

"Барои инсон ҷоиз аст, ки бо забоне, ки медонад, арабӣ, англисӣ, урду ва ё дигар забонҳо Аллоҳ таъолоро дуо кунад, зеро Аллоҳ таъоло фармудааст: «Аллоҳ ҳеҷ касро ҷуз ба андозаи тоқаташ мукаллаф (ӯҳдадор) намесозад». (Сураи Бақара: 286).

Ҳамчунин Аллоҳ таъоло фармудааст: «Пас, он қадар ки тавонед, аз Аллоҳ битарсед». (Сураи Тағобун: 16).
Тавфиқ аз ҷониби Аллоҳ аст ва дуруду паёми Аллоҳ бар паёмбарамон Муҳаммад ва олу асҳоби ӯ бод.