Домуллои муҳтарам. Мехоҳам аз нуқтаи назари дин ба ин саволе, ки ҳамеша дар сарам чарх мезавнад, ҷавоб диҳед.

Барои чӣ модар фарзандашро дар муқоиса аз падар зиёд дӯст медорад? Мегуфтед, ки ин ба хотири нуҳ моҳи ҳомила будану сахтиҳои таваллуд ва муддати ду сол шир додан бошад ё дигар ҳолат аст?

Нусратуллоҳ

Посухи намояндаи Раёсати фатвои ҶТ

Бародари азиз, ба ин монанд саволҳо зиёд ба идора ворид шудааст. Дар инзамина мехоҳам аз нуқтаи назари дини ислом қайд намоям, ки дар асл ин дӯст доштан аз ин ҷиҳат аст, ки нутфаи модар аз қафаси синааш ҷудо мешавад ва ин мавзеъ ба дил наздик аст. Аз он ки қалб макони муҳаббату меҳрубонӣ аст ва таъсири зиёд мерасонад.