Тақдир баъзан бо инсон бозии бераҳмона намуда, пораи дил, яъне фарзандашро мерабояд.

Фаҳмидан мехостам, ки кӯдаки норасид таваллудшударо бояд аввал ном гузошта, баъд ба хок супоранд ё бе ном ҳам гӯрондан ҷоиз аст?

Нигора, н. Рӯдакӣ

Посухи домулло Ҷамолиддин Хомӯшӣ

Кӯдаке, ки зинда таваллуд шуда, баъди чанд лаҳза мемирад ё мурда ба дунё меояд, бояд аввал ӯро ном ниҳода, баъд аз он ғусл намуда, сипас ба хок супоранд. Ном гузоштан барои падару модараш хотирмон мешавад. Тифл зинда ба дунё омада бошад, ӯро ҷаноза мекунанд, вале мурда таваллуд шуда бошад, ҷаноза намекунанд. Аз дидгоҳи ислом танҳо он афродеро ҷаноза кардан ҷоиз аст, ки аз ҳаёт баҳра бурдаанд.