Ҳар рӯз аз дандонҳоям кам- кам хун меояд. Мехостам донам, ки дар чунин ҳолат намоз хондан раво аст ё не, зеро ҳар лаҳзаи намозхонӣ низ хун омаданаш мумкин аст.
Хонандаи “Оила”
Посухи домулло Ҷамолиддин Хомӯшӣ
Инро узри маъзур мегӯянд, ба монанди шахсоне, ки чак-чаки пешоб доранд ва ё боди худро нигоҳ дошта наметавонанд. Омадани хун аз дандонҳо ба таври доимӣ бошад, таҳорат то қазо шудани намози дигар побарҷост. Ҳар намоз таҳорат мекунед ва бо вуҷуди омадани хун то намози дигар таҳорати шумо побарҷост.
