Барои кушоиши корамон намози таҳаҷҷуд мехонем, вале маънои ин калимаро намедонем.
Илтимос, бигӯед, ки таҳаҷҷуд чӣ маънӣ дорад ва чаро номи намозро чунин гузоштаанд? Умуман ин намоз чи қадар савоб дорад?
Шоира, н. Рашт.
Посухи домулло ҷамолиддин Хомӯшӣ
Таҳаҷҷуд ба маънои бархостан аз хоб аст ва мурод аз он шабзиндадорӣ мебошад, яъне кас шабҳоро бо намоз ва ибодати Худо зинда медорад. Вақти таҳаҷҷуд баъд аз нисфи шаб шурӯъ шуда, то тулӯи субҳи содиқ идома меёбад. Намози таҳаҷҷуд аз ҳашт то 12 ракъат буда, савоби зиёд дорад. Дуои гузорандаи ин намоз қабулу мартабааш баланд мешавад.
