Ширкати ҳавопаймоии “Тоҷик Эйр” боз як хатсайри нави дохилӣ кушодааст. Тавре хадамоти матбуотии ширкат хабар додааст, имрӯз, 23-юми июни соли 2025 тайёраи аввалин дар масири Душанбе - Ванҷ парвоз мекунад.

Тайёраҳо дар як ҳафта як маротиба, рӯзи ҷумъа ба Ванҷ парвоз мекунанд. Парвоз аз Душанбе ба Ванҷ соати 08:00-и субҳ ба нақша гирифта шудааст. Дар бозгашт аз Ванҷ ба Душанбе тайёра соати 09:30 парвоз мекунад.

Нархи чиптаи ҳавопаймо барои парвоз ба Ванҷ 750 сомонӣ буда, вақти парвоз 50 дақиқа аст.

Ёдовар мешавем, ки парвози ҳавопаймо дар хатсайри Душанбе - Хоруғ низ фаъол буда, ҳафтае се маротиба анҷом дода мешавад. Нархи чиптаи ҳавопаймо дар ин масир 900 сомонӣ аст.