Амонатбонк бо мақсади рушди иқтисодиёти сабз ва беҳтар намудани таъмини аҳолӣ бо нерӯи барқ аз ҳисоби барқи аз манбаъҳои табиии барқароршаванда истеҳсолшуда барои хариди панелҳои офтобӣ ба соҳибкорон ва аҳолӣ бо фоизҳои нисбатан паст қарз медиҳад.
Дар ин бора имрӯз, 10-уми феврал зимни нишасти матбуотӣ раиси Амонатбонк Алиҷон Салимзода иттилоъ дод. Тавре ӯ гуфт, маблағҳои қарзӣ барои харидории панелҳои офтобӣ ҳамагӣ бо 17%-и солона дода мешаванд. Хоҳишмандон метавонанд ба филилалҳои Амонатбонк барои дарёфти қарз баҳри хариди панелҳои офтобӣ муроҷиат намоянд.
Ёдрас мешавем, ки сандуқи қарзии бонки мазкур зиёда аз 3,7 миллиард сомонӣ ва шумораи қарзгирандагон 84 ҳазор нафарро ташкил медиҳад.
