- Илон Маск аввалин шахс дар таърих гардид, ки дороии ӯ ба 1 триллион доллар расидааст,- хабар медиҳад Reuters.

Бино ба маълумоти хабаргузорӣ, афзоиши босуръати сармояи ӯ ба баромадани ширкати SpaceX ба биржа вобаста аст. Дар ҷараёни пешниҳоди аввалияи саҳмияҳо ширкат 75 миллиард доллар ҷалб кардааст, ки ин рекорди таърихи бозори саҳомӣ ба ҳисоб меравад.

Бо вуҷуди ин, тавре The Washington Post қайд мекунад, сухан дар бораи дороии ба истилоҳ «коғазӣ» меравад. Ба ҳисоб саҳмияҳо ва опсионҳое дохил шудаанд, ки Маск метавонад дар оянда ҳангоми иҷро шудани як қатор шартҳои марбут ба рушди лоиҳаҳои кайҳонӣ ба даст орад. Аз ҷумлаи ин шартҳо таъсиси марказҳои додаҳои компютерӣ дар фазо ва бунёди аввалин маҳаллаи доимии зисти одамон дар сайёраи Mars мебошанд.