Дар шаҳри Ню-Ҷермани, иёлоти Миннесота, Эбигейл ва Бриттани Хенсел ном дугоникҳое умр ба сар мебаранд, ки як бадан, ду сар, ду сутунмуҳра, ду дил, се гурда, се шуш ва яктогӣ узвҳои ҷинсӣ доранд.
Ин чорумин экизакҳои часпида ҳастанд, ки бо чунин сохти бадан зинда мондаанд. Ҳар кадоме аз хоҳарон нимаи ҷисми худро эҳсос мекунад ва танҳо як дасту як пояшро идора карда метавонад. Дарозии қади экизакҳо фарқкунанда аст, қади Эбби 157 сантиметр буда, апааш аз вай даҳ сантиметр пасттар аст. Бриттани бо пойафзоли пошнабаланд мегардад, то ки ҳарду лангида нагарданд.
