Arzon march 2024
Ҷодугарзан
2704

 

Ман марди зандору кӯдакдор дар фикру хаёлам бо зани дигаре робита кардану хонавайрон шудан набуд. Беҳуда “одамизод шири хом хӯрдааст” намегӯянд.

Рӯзи бо Миҷгона ном духтар шинос шудан аз зану фарзандам дилхунук гаштам. Ӯ бо ширинзабонӣ мисли мор дар остинам ҷой шуда, аз ман хоҳиш мекард, ки хонаеро иҷора гирифта, зиндагӣ кунем. Розӣ шудам. Зиндагиямон ширин буд.

Меҳрубониҳои Миҷгона маро чунон афсун намуданд, ки дигар ба хона, назди ҳамсарам намерафтагӣ шудам. Бечора занам занг занад, телефонро хомӯш мекардам.

Ҳамин тавр, як сол пинҳонӣ зиндагӣ кардему модарам бемор шуд. Ба аёдати модарам рафтам. Ҳамсарам баробари маро дидан мисли модагург ба ҳуҷум гузашта талаб кард, ки ҷудо шавем.

-Талоқамро деҳ, дигар бевақаторӣ зиндагӣ кардан намехоҳам!- Ба гапаш аҳамият надода, ба назди модарам даромадам. Кампир бо оби дида ба шиква даромада гуфт:

-Занат дигар маро ягон зарра нигоҳубин намекунад, ягон корро фармоям, дарҳол «писарат зани нав гирифтааст, бигзор келини наватон хизмат кунад, мегӯяд.

Вақте фаҳмидам, ки ҳамсарам нисбати модарам беэҳтиромӣ карда, ҳатто ҷойгаҳашро намепартофтааст, хун ба сарам зад ва занамро ҷеғ зада, хуб ҳақоратборонаш намудам. Дилам бо ин ҳам таскин наёфт, талоқашро дода, аз дар берунаш кардам.

-Ба ҳамааш ту гунаҳкорӣ, агар зани дигар намегирифтӣ, ман нисбати модарат чунин муносибат намекардам. Аламамро аз кӣ гирифтанамро надониста, бо кампир ҷанҷол мекардам,- гӯён, зор-зор гиристу фарзандамро ба оғӯш кашида, гирёну нолон баромада рафт.

ҲАМЧУНИН, ХОНЕД:

КӮДАКИ ДАРАХТ ДАР ОҒӮШ ВА ПУР АЗ ХОКУ ЛОЙ КИСТ?

Рӯзи дигар хешовандонаш омада, кӯчу бандашро бурданд. Хонавайронӣ барои одами солимақл дарди гарон аст, вале мани ба доми ишқи зани ҷодугар афтида ягон зарра парво надоштам, ки зиндагиам вайрону фарзанди ягонаам зиндаятим гашт. Дилам пур буд, ки Миҷгона ҳаст.

Аз байн ду рӯз нагузашта, маҳбубаамро ба хона овардам. Модарам келини навро дида, хурсанд шуд, вале…

Шодии ману модарам дер давом накард. Миҷгона ду пояшро ба як мӯза андохта талаб мекард, ки модарамро бурда, ба хонаи пиронсолон супорам. Алоҳида зистан мехостааст.

Кӯшиш кардам ба хубӣ фаҳмонам, ки ман аз баҳри модарам гузаштанӣ нестам, вале ҳеҷ ақли ин духтари якрав ба сараш намезад. Дидам, ки ба нағзӣ намешавад, як-ду шаппотии обдор задам. Миҷгона ҳам қаҳр карда, баромада рафт.

Борҳо барои оварданаш рафтам, вале ӯ аз гапаш нагашта «модаратро ба хонаи бесоҳибон супор, баъд ман ба хонаат меравам» мегӯяд. Талоқашро додам, чунки дигар аз паси ин зани беандеша давидан маънӣ надошт. Аз қаҳр ба ӯ гуфтам, ки “ҷодугар будаӣ, Миҷгона, хонаамро вайрон кардӣ!”.

Айни ҳол бе зан ҳамроҳи модарам зиндагӣ дорам. Пушаймонам, ки зани якумамро сар додам, вале рӯям намешавад, ки рафта бахшиш пурсаму ӯро дубора ба хона биёрам.

Азоби безанӣ маро афгор карда истодааст. Намедонам чӣ кор кунам. Ба ман чӣ маслиҳат медиҳед, хонандагони азиз, зани сеюм гирам ё бо зани якумам оштӣ шавам?

Исматулло, аз ш. Турсунзода

Поделиться новостью
Шарҳ
(6)
Беном 2023-09-06, 21:50
Ба хотири фарзандатон бо зани якуматон ошти шавед бехтар
Посух
Мастонаи девна 2023-09-07, 00:29
2 Бор зан гирифта мард шуда аз ухдаашон набромади. Маслихати хонанда хамин ки ин бор шуй кун. Ягон бузбалаи барзангира шу кун, як бор ай болот броя чарррррасссота брора, баьд зиндагира мефахми вухахахахахаха
Посух
Фаришта 2023-09-11, 20:49
Зани якуматонро биёред
Посух
Ҳамроз 2023-09-14, 13:16
А.чоми
Посух
Я УМЕДЖОН 2023-09-20, 10:58
САЛОМ ВА ЗАНИ ЯКМАТРО БАХШИШ ПУРСЕР.ВА РОЗИ МЕШАВАНД..ВА ХОНАТ БИЁР КАТИ МОДАРАТ..
Посух
Умеджон 2023-09-20, 11:03
ГАПИ ЯГОН ДОМУЛО ГУШ НАДИҲЕД.ЗАНРО ДИГАР МАРД НИКО КУН У МАРДИ БЕГОНА ЯК ҲАФТА КОРША БУТ КУНА БАД ҲАЛОЛ МЕШАВАНД..НЕ НЕ ҲАМАШ ДУРУҒ АСТ..ТУ ЯК БАХШИШ ПУРС ТАОМ ВА ТАЛОҚА ХАЛШ МЕКУНА ДАР 40 РУЗ.
Посух
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(6)
Беном 2023-09-06, 21:50
Ба хотири фарзандатон бо зани якуматон ошти шавед бехтар
Посух
Мастонаи девна 2023-09-07, 00:29
2 Бор зан гирифта мард шуда аз ухдаашон набромади. Маслихати хонанда хамин ки ин бор шуй кун. Ягон бузбалаи барзангира шу кун, як бор ай болот броя чарррррасссота брора, баьд зиндагира мефахми вухахахахахаха
Посух
Фаришта 2023-09-11, 20:49
Зани якуматонро биёред
Посух
Ҳамроз 2023-09-14, 13:16
А.чоми
Посух
Я УМЕДЖОН 2023-09-20, 10:58
САЛОМ ВА ЗАНИ ЯКМАТРО БАХШИШ ПУРСЕР.ВА РОЗИ МЕШАВАНД..ВА ХОНАТ БИЁР КАТИ МОДАРАТ..
Посух
Умеджон 2023-09-20, 11:03
ГАПИ ЯГОН ДОМУЛО ГУШ НАДИҲЕД.ЗАНРО ДИГАР МАРД НИКО КУН У МАРДИ БЕГОНА ЯК ҲАФТА КОРША БУТ КУНА БАД ҲАЛОЛ МЕШАВАНД..НЕ НЕ ҲАМАШ ДУРУҒ АСТ..ТУ ЯК БАХШИШ ПУРС ТАОМ ВА ТАЛОҚА ХАЛШ МЕКУНА ДАР 40 РУЗ.
Посух
НОМАТОНРО НАВИСЕД
ШАРҲАТОНРО ГУЗОРЕД