Тоҷикистон боҷи воридотии бензин ва газро бекор кард
Ҳукумати Тоҷикистон боҷи воридотии нафту маҳсулоти нафтиро то охири соли 2026 бекор кард. Ин тасмим дар ҳолест, ки тайи вақтҳои охир нархи газ, бензин ва сӯзишвории дизелӣ дар кишвар боло рафтааст.
Қарори дахлдор таҳти рақами 744 аз 10 -уми ноябри соли 2026 аз ҷониби Эмомалӣ Раҳмон, Президенти Тоҷикистон ва Раиси Ҳукумат, ба имзо расида, 13 -уми ноябр расонаӣ шудааст.
Бекор кардани боҷи воридотӣ метавонад хароҷоти воридкунандагони сӯзишвориро коҳиш диҳад. Аммо ҳанӯз маълум нест, ки ин иқдом то чӣ андоза ба нархи чаканаи бензин, газ ва солярка таъсир мерасонад ва оё арзиши онҳо дар нуқтаҳои фурӯш поён хоҳад рафт ё на.