Тоҷири эроние, ки Бенямин Нетаняҳу монанд аст интернетро ба ҷумбиш овард
Як тоҷири эронӣ, ки ба фурӯши меваҳои хушк, аз ҷумла хурмо, мағз ва шириниҳо машғул будааст, бо сабаби зоҳиран ба нахуствазири Исроил Бенямин Нетаняҳу монанд буданаш дар шабакаҳои иҷтимоӣ мавриди таваҷҷуҳи зиёд қарор гирифтааст.
Навори тақрибан нӯҳсониягии ин мард, ки дар мағозаи худаш пушти тарозу нишастааст, дар шабакаҳои иҷтимоӣ паҳн шуда, вокунишҳои гуногуни корбаронро ба бор овардааст. Бархе шабоҳат доштани чеҳра, мӯй ва ҳаракатҳои ӯро бо роҳбари ҳукумати Исроил муқоиса карда, аз сокинон даъват кардаанд, ки аз харидани маҳсулот аз мағозаи ин шахс худдорӣ намоянд, аммо гурӯҳи дигар ба ин навор бо шӯхӣ муносибат намуда, шарҳҳои ҳазломез навиштаанд.
Ин хабарро расонаҳои гуногуни байналмилалӣ, аз ҷумла Kurdia News, Israel Hayom, Haberler ва Khaama Press бозтоб додаанд. Шабакаи телевизионии Ал-Ҷазира низ рӯзи 14 ноябри соли 2026 дар ин бора гузориши видеоӣ нашр кардааст.
Ҳамин тавр, як шабоҳати ғайриодии зоҳирӣ аз як навори кӯтоҳ мавзӯи баҳси густурдаи корбарони шабакаҳои иҷтимоӣ гардид. Ин ҳодиса бори дигар нишон медиҳад, ки чӣ гуна як навори чандсониягӣ метавонад дар муддати кӯтоҳ таваҷҷуҳи расонаҳои байналмилалиро ба худ ҷалб намояд.
Нушин Искандарзода