Истифодаи дронҳо дар Душанбе то 12 сентябр манъ шуд

Полиси шаҳри Душанбе истифодаи дастгоҳҳои бесарнишин, аз ҷумла дронҳоро, дар ҳудуди пойтахт аз 6 то 12 сентябр муваққатан манъ кардааст.

Ба гуфтаи мақомот, ин маҳдудият бо мақсади таъмини бехатарӣ ҷорӣ шудааст.

Полиси пойтахт аз сокинон ва шаҳрвандон даъват кардааст, ки талаботи мазкурро риоя намуда, то 12 сентябр аз истифодаи дронҳо дар ҳудуди шаҳри Душанбе худдорӣ кунанд.