Дар шаҳри Душанбе аз 29-уми апрел то 2-юми майи соли 2026 Фестивали байналмилалии рақс баргузор мегардад.

Бино ба иттилои Вазорати фарҳанги Тоҷикистон, чорабинӣ ба ифтихори 35-солагии Истиқлоли давлатӣ ва 110-солагии устоди рақс, Ҳунарпешаи халқии Иттиҳоди Шуравӣ Ғаффор Валаматзода доир мешавад.

Маросими ифтитоҳи фестивал 30-юми апрел дар Театри давлатии академии опера ва балети ба номи С. Айнӣ баргузор хоҳад шуд.

Ҳамзамон, дар ҳошияи ҷашнвора баргузории конфронси илмӣ оид ба фаъолияти эҷодии Ғаффор Валаматзода низ дар назар аст.