Санаи 20-уми июли соли равон дар шаҳри Душанбе маросими нашри махсуси Мактаби минтақавии аврупоии ТУТ (Ташкилоти умумиҷаҳонии тандурустӣ) оид ба сифати нигоҳубин ва бехатарии беморон барои кишварҳои Осиёи Марказӣ баргузор гардид, ки дар он вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, намояндагони ТУТ ва доираи васеи мутахассисони соҳа ширкат варзиданд.
Бино ба иттилои дафтари матбуоти Вазорати тандурустӣ ва ҳифзи иҷтимоии аҳолии кишвар, ин нашри махсус барои давлатҳои Осиёи Марказӣ роҳбарон ва мутахассисони соҳаи тандурустиро барои беҳтар кардани сифати нигоҳубин, тақвияти бехатарии беморон ва татбиқи равишҳои асоснок муттаҳид мекунад.
Зикр мегардад, ки Дафтари минтақавии ТУТ барои Аврупо тавассути Дафтари худ оид ба сифати нигоҳубин ва бехатарии беморон дар Афина, Мактаби минтақавии аврупоии ТУТ оид ба сифати нигоҳубин ва бехатарии беморон нашри махсус барои Осиёи Марказиро ифтитоҳ намудааст.
