Кормандони мақомоти корҳои дохилӣ як сокини ноҳияи Зафарободро бо гумони авбошӣ ва вайрон кардани тартиботи ҷамъиятӣ дар ҳолати мастӣ боздошт кардаанд.

Ба иттилои мақомот, Ҷабборова Н. И., соли таваллудаш 1995, дар дохили маркази дилхушии «Румӣ» («4 плюс»), воқеъ дар маҳаллаи 18-уми шаҳри Хуҷанд тартиботи ҷамъиятиро дағалона вайрон намудааст.

Вобаста ба ин ҳодиса нисбати номбурда бо қисми 2-и моддаи 237-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишоти пешакӣ идома дорад.