Дар шаш моҳи аввали соли 2026 мақомоти корҳои дохилӣ 606 ҳолати риоя накардани талаботи Қонуни Ҷумҳурии Тоҷикистон «Дар бораи танзими ҷашну маросим»-ро ба қайд гирифтаанд. Дар ин бора вазири корҳои дохилии Тоҷикистон Рамазон Раҳимзода зимни нишасти хабарӣ иттилоъ дод.

Тибқи иттилои Вазорати корҳои дохилӣ, дар ҳамин давра аз рӯйи моддаи 90-и Кодекси ҳуқуқвайронкунии маъмурӣ 7 ҳазору 842 парвандаи ҳуқуқвайронкунии маъмурӣ тартиб дода шуда, барои андешидани чораҳои қонунӣ ба суд ирсол гардидааст.

Илова бар ин, аз ҷониби ноболиғон 405 ҷиноят ва аз ҷониби ҷавонон 1 ҳазору 659 ҷиноят содир шудааст.