Дар як бинои даҳошёнаи шаҳраки Сомониёни ноҳияи Рӯдакӣ бо сабаби фаромӯш кардани деги хӯрок дар болои плитаи барқӣ сӯхтор сар зада, ба оилаи Зулфия Аёмбекова зиёда аз 36 ҳазор сомонӣ зарар расидааст.
Гуфта мешавад, ки духтари соҳибхона деги пур аз хӯрокро дар рӯйи тафдони барқӣ гузошта, фаромӯш кардааст ва дар натиҷа соати 16:00 дар ошёнаи 6-уми бинои 10-ошёна сӯхтор сар зада, алангаи оташ 20 метри мурраббаъ, аз ҷумла ошхона ва ҳуҷраи хобро фаро гирифтааст.
Сӯхторхомӯшкунандагон дар бадали як соат сӯхторро хомӯш карда, хатари паҳншавии оташро ба манзили дигар сокинони бино пешгирӣ намудаанд.
