Ба муносибати Рӯзи пойтахт аз 17 то 19-уми апрел барои сокинону меҳмонон хатсайри сайёҳии «Сайри шомгоҳии Душанбе» ташкил карда мешавад.

Бино ба иттилои Мақомоти иҷроияи ҳокимияти давлатии шаҳри Душанбе, хатсайр аз соати 19:00 дар назди Муҷассамаи Шоҳ Исмоили Сомонӣ оғоз мегардад.

Гуфта мешавад, ки дар доираи хатсайр иштирокдорон бо мавзеъҳои зебоманзар, иншооти муосир, марказҳои фарҳангӣ ва гӯшаҳои сайёҳии шаҳри Душанбе шинос мешаванд.