Дар аксари оилаҳои тоҷик келин ва домодро падару модар ва дигар калонсолон интихоб менамоянд. Ман мехоҳам ин қолабро шикаста, бо касе, ки дилам мехоҳад, оиладор шавам.

Фаҳмидан мехостам, ки агар муқобили райъи волидонам баромада, ҳамсарамро худам интихоб намоям, гунаҳкор мешавам ё не?
Гуландом, хонандаи “Оила”.

Посухи домулло Ҷамолиддин Хомӯшӣ
Издивоҷ яке аз суннатҳои анбиё (а) ва сабаби боқӣ мондани насли инсон то рӯзи қиёмат мебошад. Аз нигоҳи шариат ҳам зан ва ҳам мард дар интихоби ҳамсар озод ҳастанд.

Никоҳшавандагон, агар ба издивоҷ розӣ набошанд, мухолифи райъашон онҳоро набояд никоҳ кард. Фақат пеш аз тӯй гузаронидани мулоқотҳои ошиқона ва бӯсу канор мумкин нест, чунки ин амалҳо гуноҳи бузург ба ҳисоб мераванд.