Маҳдудияти ҳаракат дар чанд роҳи пойтахт

10-уми ноябр дар чанд кӯчаю хиёбони шаҳри Душанбе ҳаракати воситаҳои нақлиёт муваққатан маҳдуд мегардад.

Ба иттилои Раёсати Вазорати корҳои дохилӣ дар шаҳри Душанбе, маҳдудият дар ду фосилаи вақт ҷорӣ мешавад: субҳ аз соати 07:30 то 09:30 ва баъд аз нисфирӯзӣ аз соати 15:30 то 17:00.

Дар ин муддат ҳаракати нақлиёт тавассути хиёбони И. Сомонӣ ва кӯчаҳои С. Айнӣ, А. Дониш ва М. Мастонгулов маҳдуд карда мешавад.

Пулиси Душанбе аз ронандагон хоҳиш кардааст, ки барои ҳаракат аз роҳҳои кӯчаҳои ҳамшафат истифода баранд.