Домуллои муҳтарам. Мехостам атрофи як масъла пурсон шавам. Дар қабристон дарахтони мевадиҳанда, ба монандӣ олуча, зардолу, тути худрӯй дида мешавад, ки кӯдакон онро мехӯранд.
Мегуфтед, ки оё аз меваи дарахте, ки дар қабристонҳо рўидааст, истифода (истеъмол ва фурўш) намудан дуруст аст?
Баҳриддин, хонандаи Оила
Посухи намояндаи Раёсати фатвои ҶТ
Бародари азиз, агар яқинан дониста шавад, ки дарахт ё алаф аз хоки қабр ғизо мегирад, дар ин сурат истифодаи меваи дарахти қабристон ва алафи сабзи он макрўҳ мебошад. Агар алафи қабристон хушк шуда бошад, дарав кардан ва истифодаи он кароҳат надорад.
