Мураббо аз смородина
Маҳсулоти лозима:
1 кг смородинаи сиёҳ, 1,2 кг шакар, 250 мл об.
Тарзи таҳия:
Меваҳоро аз ифлосиҳо тоза карда, дар об шӯеду обашро полонед. Меваро аз гӯштқимакунак гузаронед. Дар зарфе об гирифта, шакарро андозеду дар оташи миёна то ҷӯшидан расонед ва муддати 6 дақиқа ҷӯшонед. Меваҳоро илова карда, мурабборо то ҷӯшидан расонед ва 15 дақиқа ҷӯшонед. Кафки болои мурабборо гирифта партоед. Мурабборо ба бонкаҳои пешакӣ тамизшудаву хушк бардошта, бонкаҳоро муддати 10 дақиқа дар об ҷӯшонед. Даҳони бонкаҳоро маҳкам кунед.
