Тавлиди шашгоникҳо дар шаҳри Хуҷанд боиси хушнудии тамоми сокинони кишвар гашта буд, вале имрӯз ин тифлакони нозанин ба ҳалокат расидаанд.
Дирӯз вазъи саломатии шашгоникҳои хуҷандӣ мӯътадил арзёбӣ мешуд, вале субҳи имрӯз хабари марги ҳамаи ин шаш тифлаки зебо даррасид.

Нурӣ Дадобоева, сардухтури таваллудхонаи вилоятӣ дар шаҳри Хуҷанд дар сӯҳбат бо хабарнигорони "Азия-Плюс" марги ҳамаи навзодонро тасдиқ карда, гуфтааст:
“Сабаби аслии ҳалокат бо вазни кам ва пеш аз муҳлат ба дунё омадани онҳо аст.”