Вазири фарҳанг собиқадорони театри тоҷикро аёдат кард

Дар арафаи таҷлили Рӯзи театри тоҷик вазири фарҳанги Тоҷикистон Матлубахон Сатториён собиқадорони санъати театрӣ, аз ҷумла Ҳунарманди халқии Тоҷикистон Ҳошим Гадо ва Раҷабгул Қосимоваро аёдат намуд.

Тавре маркази матбуоти Вазорати фарҳанг хабар медиҳад, зимни мулоқот саҳми собиқадорон дар рушди санъати театрӣ, тарбияи насли ҷавон ва ҳифзи арзишҳои фарҳанги миллӣ қадрдонӣ гардид.

Таъкид шудааст, ки чунин аёдатҳо нишонаи эҳтиром ба заҳматҳои чандинсолаи аҳли ҳунар ва арҷгузорӣ ба саҳми онҳо дар рушди фарҳанги кишвар мебошанд.