Таваллуди фарзанд барои ҷисми зан стресс аст. Инро бояд ҳарду волидайн дониста барои барқарор сохтани ҳаёти маҳрамона шитоб накунанд. Каме сабру тоқат касеро накуштааст.

Табибон дар давоми 4-6 ҳафтаи аввали баъди таваллуд бо мубошират машғул шуданро тавсия намедиҳанд. Фарзанд бе душворӣ таваллуд шуда бошад, дар ин муддат бачадон пурра барқарор ва аз хун тоза мешавад. Рафту тавлиди тифл бо чоки қайсар ё дигар ноҷуриҳо ба амал омада бошад, давоми 6-8 ҳафта бояд аз мубошират худдорӣ намуд, вале ин маънои онро надорад, ки шумо аз якдигар комилан дур бошед. Дар ин давра зан ниёз ба меҳрубонии мард дорад.
Маслиҳат ба мардон: бо таҳаммул бошед, намоишкорона оҳ кашида норасоии мубоширатро нафаҳмонед. Зан шуморо ҳамоно дўст медорад, вале бо сабаби тағйиротҳои мувақатии ҷисмонӣ ва равонӣ наметавонад бо шумо бошад.