Як марди 46-солаи ҳиндӣ бо номи Мани Манитан 25 сол боз танҳо ба қафо ҳаракат мекунад. Ӯ, ки дар риштаҳои ҷомеашиносӣ ва забони англисӣ таҳсилоти олии илмӣ дорад, ин тарзи ғайриодии роҳ рафтанро ҳамчун нишони эътироз алайҳи ҷанг ва хушунат интихоб кардааст.
Мани мегӯяд, дар ҷаҳон кишварҳо бо ҳам меҷанганд ва дар натиҷа одамони зиёде қурбон мешаванд. Ба гуфтаи ӯ, қарори қафо гаштан кӯшиши ӯ барои ҷалби таваҷҷуҳи мардум ба мушкилоти ҷанг ва водор кардани онҳо ба андеша дар бораи сулҳ аст. Ӯ дар ҷавонӣ ба таълимоти Маҳатма Гандӣ таваҷҷуҳ дошт ва маҳз андешаҳои Гандӣ дар бораи муборизаи осоишта ӯро ба чунин шакли ғайриодии эътироз илҳом бахшидаанд. Азбаски Мани муддати хеле дароз бо ҳамин тарз роҳ меравад, баданаш ба он одат кардааст. Ӯ мегӯяд, имрӯз баръакс, бо роҳи маъмулӣ роҳ рафтан барояш душвор шудааст.
Ӯ ният дорад то замоне бо ҳамин тарз ҳаракат кунад, ки дар ҷаҳон сулҳ барқарор шавад. Агар барои расидан ба ин ҳадаф тамоми умр ба қафо гаштан лозим бошад, ӯ омода аст ин корро идома диҳад.
