Ба Эмомалӣ Раҳмон ҷоизаи давлатии Қазоқистон супурда шуд
Қосим-Ҷомарт Тоқаев, раисҷумҳури Қазоқистон, Эмомалӣ Раҳмон, раисҷумҳури Тоҷикистонро бо ордени Хоҷа Аҳмади Ясавӣ сарфароз гардонидааст.
Маросими тақдими ҷоиза 7-уми ноябр дар шаҳри Остона баргузор шудааст. Ин ордени давлатии Қазоқистон ба Эмомалӣ Раҳмон барои саҳми арзанда дар таҳким ва рушди муносибатҳои дӯстӣ ва ҳамкории дуҷонибаи Тоҷикистону Қазоқистон супурда шудааст.
Ордени Хоҷа Аҳмади Ясавӣ аз ҷоизаҳои давлатии Қазоқистон буда, барои қадрдонии хизматҳои шоиста дар таҳкими муносибатҳои байналмилалӣ ва ҳамкорӣ пешбинӣ шудааст.
