Дар кишвари ҳамсояамон Афғонистон бар асари заминларзаи шадид ҳадди ақал 250 нафар ба ҳалокат расида, беш аз 500 тани дигар ҷароҳат бардоштаанд. Дар ин бора шабакаи телевизионии NBC хабар додааст.
Бино ба маълумоти манбаъҳои амрикоӣ, заминларза бо магнитудаи 6,0 тахминан 20 км дуртар аз Ҷалолобод дар наздикии хати марз бо Покистон рӯй додааст.
"Мо амалиёти густурдаи наҷотро оғоз кардем ва садҳо нафарро барои кумак ба мардуми манотиқи осебдида сафарбар намудем. Азбаски заминларза дар як минтақаи дурдасти кӯҳистон рӯй додааст, барои дарёфти иттилои дақиқ дар бораи талафоти ҷонӣ ва хисороти инфрасохтор вақт лозим аст",- гуфтааст намояндаи Вазорати беҳдошти ин кишвар Шарофат Замон.
