Дар чанд минтақаи Тоҷикистон хатари омадани сел пешбинӣ мешавад
Имрӯз, 28-уми октябр, дар бархе аз минтақаҳои Тоҷикистон хатари омадани сел вуҷуд дорад.
Ба иттилои Агентии обуҳавошиносии Тоҷикистон, бар асари боришоти маҳаллӣ дар ноҳияҳои доманакӯҳӣ ва кӯҳии вилояти Суғд, ноҳияҳои тобеи ҷумҳурӣ ва ноҳияи Дарвози Вилояти Мухтори Кӯҳистони Бадахшон эҳтимоли омадани сел пешбинӣ шудааст.
Аз сокинон ва меҳмонони ин минтақаҳо даъват шудааст, ки эҳтиёткор бошанд ва ҳангоми ҳаракат шароити обу ҳаворо ба назар гиранд.
