Кормандони милитсияи шаҳри Душанбе ҷустуҷӯи шаҳрванди 20-солаи Ҷумҳурии Ингушистони Русия Макка Чапановаро оғоз кардаанд. Дар ин бора Раёсати ВКД дар шаҳри Душанбе хабар медиҳад.
Ба иттилои манбаъ, духтар ҳамроҳи волидонаш ба Душанбе омада буд, аммо чанд рӯз пеш бедарак шудааст.
Мақомоти милитсия аз шаҳрвандоне, ки дар бораи маҳали будубоши Макка Чапанова маълумот доранд, хоҳиш мекунанд, ки бо рақамҳои 221-00-57, 221-02-02 ё (+992) 018-02-02-02 тамос гиранд.
