Дар Кӯлоб бар асари сел ва обхезӣ дастикам 850 оила зарар дидаанд. Дирӯз бо иштироки сарвазири мамлакат муҳтарам Қоҳир Расулзода ҷаласаи якуми ситоди ҷумҳуриявӣ оид ба бартарафсозии оқибатҳои офатҳои табиӣ дар ин шаҳр баргузор гашта, ба масъулин супориш дода шуд, ки аҳолии осебдида бо маводи сӯзишворӣ, оби ошомиданӣ ва нерӯи барқ сари вақт таъмин карда шуда, оқибатҳои офати табиӣ ҳарчи зудтар бартараф карда шаванд.
Комиссияи ҷумҳуриявӣ ҳаҷми пурраи хисоротро муайян намуда, ҷиҳати барқарорсозии инфрасохторҳои зарардида табдирҳои мушаххас меандешад.
Айни замон дар мавзеъҳои селзада поксозӣ аз обу гил идома дошта, ба аҳолӣ кумаки аввалия расонида мешавад ва сохтмонҳои зарардида дубора барқарор карда мешаванд.
Ёдрас мешавем, ки бар асари боронҳои шадид ва селу обхезӣ дар Кӯлоб 3 нафар ҷони худро аз даст дода, 3 тани дигар ҷароҳат бардоштаанд.
