Нақшаи даъвати баҳории ҷавонон ба сафи Қувваҳои Мусаллаҳи Ҷумҳурии Тоҷикистон дар шаҳри Панҷакент пурра иҷро гардид.
Бино ба иттилои Мақомоти иҷроияи ҳокимияти давлатии шаҳри Панҷакент, дар даъвати баҳорӣ чун солҳои қаблӣ садҳо нафар ҷавонон ба таври ихтиёрӣ, бо амри дил ва ифтихори баланди ватандӯстӣ ба комиссариати ҳарбии шаҳр муроҷиат намуда, омодагиашонро барои хизмати Ватан изҳор доштаанд.
- Иҷрои пеш аз муҳлати нақшаи даъват ба хизмати ҳарбӣ натиҷаи гузаронидани корҳои ташкилию тарғиботӣ аз ҷониби мақомоти иҷроияи маҳаллии ҳокимияти давлатии шаҳр, комиссияи шаҳрии даъват, роҳбарияти мақомоти ҳифзи ҳуқуқ, ҷамоат, деҳаҳо, маҳаллаҳои шаҳр ва эҳсоси баланди ватандӯстии ҷавонон дониста мешавад,- меафзояд манбаъ.
