Агентии обуҳавошиносӣ хабар медиҳад, ки санаи 18-19 октябр дар ҷумҳурӣ якбора вазъи ҳаво номусоид шуда, шиддатёбии шамол ва боридани борон дар назар аст.
Дар ин бора Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон бо такя ба маълумоти Агентии ҳавошиносии кишвар хабар додааст.
Гуфта мешавад, дар баъзе ноҳияҳои кишвар бо сабаби боридани борони сахт омадани сел низ дар назар аст.
Кумитаи ҳолатҳои фавқулодда ба шаҳрвандон тавсия медиҳад, ки дар ин рӯзҳо эҳтиёт бошанд ва кӯдакони худро барои ҷамъоварии ҳезум ва алаф, чорвочаронӣ ва дигар корҳо ба куҳҳо равон накунанд.
