Сулаймон Сафаров яке аз ҳунармандони маҳбуби синамои тоҷик ба шумор меравад. Ин сарояндаи ҷавону хушовоз чанд рӯз қабл дуэти навашро бо Баҳромшо Мирзошо дар ютуб- канали худ бо номи "Духтари ҳамсоя" нашр кард. Ин клиптаронаро аз рӯзи нашр то имрӯз зиёда аз 30 ҳазор нафар тамошо кардааст. Дар клип нақшҳои асосиро Парвиз Ашуров, Макс Қосимов ва Сабина Шаймарданова бозӣ карданд.
Парвиз Ашуров яке аз нақшофарон ва продюсери ин клип зимни сӯҳбат бо сомонаи Оила.тч чунин қайд намуд:
"Ин клип бо диди наву замонавӣ аз тарафи маркази продюсери "Parus" бо заҳматҳои зиёд сабт гардидааст. Зиёд сарояндаҳо ба хориҷи кишвар барои сабти клип мераванд вале Ватани мо табиати зебо дорад ва мо ҳам наворбардор-танзимгарони беҳтарин дорем, ки метавонем дар ватани худамон бо талаботи наву муосир сабт кунем. Дигар ҳоҷат ба хориҷа рафтан нест. Мо бояд кишвари худамонро низ муаррифи кунем".
