Савол:
Дуои ҳазрати Иброҳим (а) дар ҳаққи фарзанд ё фарзанддор шудан ва фарзанди солеҳ талаб кардан кадом аст? Оё ин дуо дар ягон ояти Қуръон омадааст?
Беҳрӯз.

Посухи домуло Ҷамолиддин Хомушӣ:

Иброҳим (а) дуояш дар бобати талаби фарзанди солеҳ ва дар ҳаққи фарзанд дар оятҳои зерини Қуръон зикр шудаанд:

«Эй Парвардигори ман, ба ман аз шоистагон (фарзанде) ато кун! Пас, ўро ба навҷавони бурдборе башорат додем. (Сураи «Соффот», 100-101)

«Сипос он Худойрост, ки ба ман – бо вуҷуди калонсолӣ – Исмоил ва Исҳоқро ато кард. Ҳамоно Парвардигори ман Шунавандаи дуо аст. Эй Парвардигори ман, маро ва авлоди маро (низ) барподорандаи намоз бикун ва эй Парвардигори мо, дуои маро қабул кун». 
(Иброҳим, 39-40)