Ёсамин Давлатова –имрӯз ин ном вирди забони аксари ҷавонон аст. Ёсамин хеле ҷавон бошад ҳам, тавонист бо эҷоди чанд таронаи марғуб дар дили ҳаводорони созу суруд маъво бигирад.

Се рӯз қабл ин маликаи саҳнаи ҳунар дуэти навбатии худро бо ҳамроҳи сарояндаи ҷавону умедбахши ӯзбек Ҷамбул Муҳаммедов бо номи “Ёрма надидам” дар ютуб канали худ пешкаши мухлисони сершумораш гардонд. Ин клиптаронаро дар давоми 3 рӯз зиёда аз 315 ҳазор нафар тамошо карда, онро хеле гарм қабул намуданд.

Клипи мазкур аз рӯи филми “Бандии Қафқоз” гирифта шуда, дар он худи Ёсамин, Ҷамбул ва гурӯҳи “Маҳфилоро” нақш меофаранд.