Oila 5 years
Фараҳмандро кӣ аввалин шуда табрик кард?
717


Имрӯз яке аз сарояндагони ҷавону боистеъдоди тоҷик Фараҳманд Каримов ҷашни милод дорад.

Фараҳманд Каримов аз зумраи он сарояндагони хушовози кишвар аст, ки бо сурудҳои дилнишинаш дар дили хурду калон маъво гирифтааст. Ин ҷавони соҳибҳунар 26- майи соли 1996 дар деҳаи Урметани ноҳияи Айнӣ таваллуд шудаст. Фараҳманд аввалин қадамҳои худро ба ҷодаи санъат соли 2017 гузошта, тавонист бо суруду таронаҳои дилнишинаш дар як муддати кӯтоҳ мухлисони зиёде пайдо намояд.

106274913_204159137530301_8867192992538577634_n

 

Фараҳманд Каримов зимни сӯҳбат бо мо қайд кард, ки аввалин шуда падараш имрӯз ӯро бо ҷашни зодрӯзаш табрик намудааст. Ин ҳунарманди ҷавон мегӯяд, рӯзона зодрӯзашро бо дӯстону ҳамкасбонаш ҷашн мегирад ва бегоҳ дар ҳалқаи аҳли хонавода.


Ёдрас мешавем, ки Фараҳманд Каримов санаи 5- августи соли 2022 бо дӯстдоштааш оиладор шуд, вале ҳанӯз фарзанд надорад.
Ёдовар мешавем, ки ин сарояндаи маҳбуб санаи 18-уми март соли 2023 соати 13:00 дар Кохи Суруш таҳти унвони “Бишнав аз най....” консерт баргузор карда буд. Ин маҳфили зебои ҳунарӣ бахшида ба Наврӯзи оламафрӯз баргузор гашта, Фараҳманд ба мухлисонаш дастагули таронаҳои навашро пешкаш кард.

Ин сарояндаи маҳбуб охирин клиптаронаи худро санаи 23-уми феврал бахшида ба Рӯзи артиши миллӣ бо номи “Сарбози ишқ”дар Ютуб-канали худ пешкаши мухлисонаш гардонид, ки то имрӯз зиёда аз 1,7 миллион нафар онро тамошо кардаанд.

340209519_588218296588692_5031528673738471434_n

Мо сарояндаи боистеъдод Фараҳманд Каримовро аз номи аҳли эҷоди сомонаи Оила. ТЧ бо ҷашни зодрӯзаш сидқан муборакбод гуфта, барояш тани сиҳату умри дароз ва дар корҳои эҷодиаш бурдбориҳои нав ба навро таманно менамоем. Умедворем, ки Фараҳманд Каримов бо сурудҳои дилнишинаш дар оянда қуллаҳои аз ин ҳам баландтари санъатро фатҳ хоҳад кард.

Поделиться новостью
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД
Шарҳ
(0)
ҲАНУЗ ШАРҲ НЕСТ
НОМАТОНРО НАВИСЕД
ШАРҲАТОНРО ГУЗОРЕД