Имрӯз маросими ҷанозаи қаҳрамонони Тоҷикистон Нусратулло Махсум, Шириншо Шотемур ва яке аз бунёдгузорони Тоҷикистони навин Нисор Муҳаммад баргузор гашта, қисмате аз хоки гӯри ин шахсиятҳои таърихӣ ва ҷонфидои миллат бо риояи суннатҳои дини мубини ислом ва эҳтироми хос дар оромгоҳи Лучоб гузошта шуд.

Ёдрас мешавем, ки бо иқдоми бевоситаи Сарвари давлат муҳтарам Эмомалӣ Раҳмон пораи хоки гӯри Нусратулло Махсум, Шириншо Шотемур ва Нисор Муҳаммад субҳи имрӯз аз шаҳри Маскав ба Душанбе оварда шуд.