Парвоз

Зан аз шавҳар мепурсад:

- Мардак, чаро дар назди тиреза истодаӣ?

Шавҳар:

- Фикр дорам, ки парам ё тирезаро маҳкам кунам...

Зан:

- Ту паридан гир, худам маҳкам мекунам.

Дуо

Зан ба шавҳар:

- Даврон, ман имрӯз дар намозам дуо кардам, ки корҳоят хуб бошанд.

Шавҳар:

- Ташаккур, ҳамин саҳарӣ маро аз кор озод карданд!

Зан:

- Ана дидӣ, кор набошад, дарди сар ҳам нест!

Шавҳар:

- Илтимос, барои саломатиям дуо накун!

Девона

Зане аз дугонааш мепурсад:

- Латофат, агар ба ту даҳ миллион доллар диҳанд, чӣ кор мекунӣ?

Латофат:

- Девона мешавам...

Аблаҳ

Марди хирадманде мардеро дид, ки занашро бо чӯб мезанад ва ба ӯ гуфт:

- Чӯб барои чорво аст, занро бояд бо зан зад. Яъне, як зани дигар бигир!

Зан, ки сухани ӯро мешунид, ба шавҳараш гуфт:

- Заданро идома деҳ, ба он аблаҳ гӯш накун!

Шарм

Марди 70-солаеро занаш вафот кард. Ба писаронаш гуфт:

- Ба ман ягон зани 60-сола ёфта диҳед.

Писаронаш гуфтанд:

- Ягон зани 60-сола шавҳар намекунад, аз фарзандонаш шарм медорад.

Мард гуфт:

- Ин тавр бошад, дуто 30-солаашро биёред!

Хӯрок

Шавҳар ба занаш занг зада мегӯяд:

- Ман қариб мерасам, ягон хӯрок дорӣ?

Зан:

- Нону ҳасиб мешавад?

Шавҳар:

- Мешавад...

Зан:

- Аз мағоза нону ҳасиб биёр.