Намояндаи Консули Тоҷикистон дар шаҳри Маскав аз шаҳрвандоне, ки дар боздоштгоҳи Сахарово нигоҳдорӣ мешаванд, дидан кардааст. Дар ин бора Сафорати Тоҷикистон дар шаҳри Москва рӯзи 11-уми август хабар додааст.

Ба гуфтаи манбаъ, ҳангоми боздид аз боздоштгоҳи муваққатӣ намояндаи Сафорати Тоҷикистон бо ҳамватанони дар Сахарово нигоҳдошташуда мулоқот карда, ба онҳо маслиҳат ва тавсияҳои ҳуқуқӣ ироа кардааст.

Инчунин, дар хабарномаи сафорат омдааст, ки консул бо роҳбарияти марказ дар бораи бозгашти саривақтии шаҳрвандони Тоҷикистон ба ватан ва инчунин шароити нигоҳдории онҳо суҳбат кардааст.

Камолиддин ҲАННОНӢ