Сокини 33-солаи Малайзия Пратҳаб Мунианди бо сабаби 42 дандон доштанаш ба Китоби рекордҳои Гиннес шомил шуд. Ин нисбат ба шумораи муқаррарии дандонҳои инсон 10-то бештар аст.
Пратҳаб соли 2021 пай бурд, ки дар даҳонаш 38 дандон дорад. Баъд аз ташхиси рентгенӣ духтурон боз 4 дандони дигарро муайян карданд, ки ҳанӯз набаромада буданд. Ҳамин тавр, шумораи умумии дандонҳои ӯ ба 42 расид. Пас аз муоинаи духтурони дандон, ин рекорд расман тасдиқ гардид.
Ба гуфтаи Пратҳаб, аксари одамон то замоне ки худаш нагӯяд, ҳатто пай намебаранд, ки ӯ нисбат ба дигарон 10 дандони зиёд дорад.
Хушбахтона, ин хусусияти нодир ба ӯ ягон мушкилӣ эҷод намекунад. Ӯ танҳо ҳамеша қоидаҳои беҳдошти даҳонро риоя карда, ҳар рӯз ду маротиба дандонҳояшро тоза мекунад ва аз риштаи махсуси дандон истифода мебарад.
