Бо ташаббуси Кумитаи меъморӣ ва сохтмони назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд дар шаҳри Хуҷанд Намоиш-озмуни ҷумҳуриявии беҳтарин лоиҳаҳои меъморӣ ва шаҳрсозии «Меъмор-2026» баргузор карда шуд.
Бино бар иттилоъи хадамоти матбуоти Раиси вилояти Суғд дар озмун 300 нафар иштирок намуд, 140 лоиҳаро дар номинатсияҳои «Биноҳо ва маҷмааҳои истиқоматии бисёрошёна», «Иншооти иҷтимоӣ, ҷамъиятӣ ва фарҳангӣ» ва «Асари меъмории донишҷӯён» пешниҳод карданд, дар баробари ин, 453 лоиҳаи беҳтарин ва макетҳои бинову иншооти таъйиноти гуногун ба намоиш гузошта шуданд.
Ғолибони озмуни ҷумҳуриявии беҳтарин лоиҳаҳои меъморӣ ва шаҳрсозӣ – «Меъмор-2026» бо Диплом, туҳфаҳои хотиравӣ ва мукофотҳои соҳавӣ қадрдонӣ карда шуданд.
