Суруди Ваҳдат

Тоҷикему якдилу ҷонем,

Партави як субҳи тобонем.

Шуълаи як моҳи шомафрӯз,

Нури як хуршеди тобонем.

Ваҳдати мо - иқтидори мо,

Ваҳдати мо - ифтихори мо.

Ҳамватан ҳастему хурсандем,

Ҳамтанему решапайвандем.

Бо тамоми мардуми дунё

Ҳамдаму ғамхору дилбандем.

Ваҳдати мо - иқтидори мо,

Ваҳдати мо - ифтихори мо.

Тоҷикистон, хоки аҷдодӣ,

Марзи бахту кишвари шодӣ,

Аз парешонӣ ту эмин бош

Дар қабои сабзи озодӣ.

Ваҳдати мо - иқтидори мо,

Ваҳдати мо - ифтихори мо.

Сайдалӣ МАЪМУР