Тоҷикистон дар финали «King’s Cup» шикаст хӯрд
Мунтахаби Тоҷикистон дар бозии финалии мусобиқаи байналмилалии «King’s Cup 2026» аз тими миллии Тайланд бо ҳисоби 0:3 мағлуб шуда, аз ба даст овардани унвони қаҳрамонӣ маҳрум гардид.
Вохӯрии ниҳоии 52-юми мусобиқаи анъанавии «King’s Cup» дар шаҳри Сисакети Тайланд бо ҳузури 17 ҳазору 426 тамошобин баргузор шуд.
Голҳои тими мизбонро Супачок Сарачат дар дақиқаи 40-ум ва Тирасак Поэйфимай дар дақиқаҳои 50-уму 75-ум ба самар расониданд.
Дар ҳайати Тоҷикистон Нозим Бобоҷонов дар дақиқаи 38-уми бозӣ корти сурх гирифт ва мунтахаби кишвар қисми боқимондаи дидорро дар ақаллият идома дод.
Бо ин натиҷа, мунтахаби Тайланд ғолиби мусобиқаи имсола гардид.