Маркази барномаҳои байналмилалии Вазорати маориф ва илми Ҷумҳурии Тоҷикистон ба таваҷҷуҳи довталабон мерасонад, ки Донишкадаи муносибатҳои байналмилалии Москва (МГИМО) 6 бурсияи таҳсилӣ дар зинаи бакалавр ва 2 бурсияи таҳсилӣ дар зинаи магистратура аз рӯйи ихтисосҳои муносибатҳои байналмилалӣ, омӯзиши минтақавии хориҷӣ, иқтисодиёт, ҳуқуқшиносӣ, журналистика, реклама ва муносибатҳои ҷамъиятӣ, сотсиология, сиёсатшиносӣ, идораи давлатӣ ва мунисипалӣ, молия ва қарз, кори тиҷоратӣ ҷудо намудааст.

Бақайдгирии довталабон то санаи 30.04.2023 идома меёбад.

Довталабоне, ки хоҳиши иштирок дар озмунро доранд, метавонанд то санаи муқарраргардида ба Маркази барномаҳои байналмилалӣ муроҷиат намоянд.