Тамоми бонувони тоҷик дар рӯзҳои ид ҳунари кадбонугии худро нишон дода, барои аҳли оила ва меҳмонони азизашон дар тафдон торту кулчақанд ва хӯрданиҳои гуногуни бомазза мепазанд. Аммо баъди ид андешаи чӣ тавр тоза кардани тафдон занҳоро азият медиҳад. Барои осон шудани кори шумо - хонумҳои азиз мо роҳи осонтарини тоза кардани тафдонро манзуратон месозем.

Ба шумо лозим аст:

2 зарфи обгирӣ барои тафдон

Об                       

Спирти навшотир (нашатырный спирт)

Тафдонро то 65-70 дараҷа тафсонед. Зарфро пури об карда, ҷӯшонед. Ҳамин ки тафдон тафсид, сими онро аз барқ ҷудо ва хомӯш намоед. Ба зарфи аввала 1 истакон спирти навшотир рехта, дар қабати болоии дохили тафдон гузоред. Дар зарфи дигарӣ оби ҷӯшро гирифта, ба қабати поёнии дохили тафдон гузоред. Даҳони тафдонро маҳкам карда, шабона нигоҳ доред.

Субҳи рӯзи дигар тафдонро кушода, 15 дақиқа монед шамол дарояд. 1-2 қошуқча маҳлули зарфшӯиро ба зарфи спирти навшотир дошта резед ва каме оби ҷӯш рехта, бо латта тафдонро тоза кунед, тафдонатон ба зудӣ тоза мешавад.

Дар рафти кор пӯшидани дастпӯшакҳои резиниро фаромӯш накунед.